CSI AKA Ivanilson Soares Da Costa

• -Nome Próprio: Ivanilson Soares Da Costa.
• - Nome Artístico: CSI.
• - Data de Nascimento: 01 de Abril de 1987, na Vila di Porto Inglês,Cadjetinha.
• - Estado Civil: solteiru.
• - Ano de início no movimento: 2015 .
• - Maior influência no RAP Geral: Valete, un di kes ki fazen odja RAP y Mundu d'un otu forma.
• - Maior influência no Rap Criolo: JRex, LENDA des Movimento.
• -Maior sonho na carreira: é pisa "Grandis Palkus" y fazi kon ki mensajen txiga maz lonji pusivel y sobritudu kontinua kel LUTA ki Kabral, King Jr, Malkolm X,Marinba Ani y tantus ots dexanu mas sobritudu odja situason ta muda na komunidadi, só si npodi xinti ma sonhu realiza.
• - Objectivo como MC: Objetivu komu MC é ka mostra 'verdadi'sima nu ten kustume kometi kel erru li pmd kada un ten se pont di vista objetivu é disperta menti pa buska verdad, fazi kon ki pessoas komesa ta akredita nes mesmu y sabi ma izisti un mundu dentu des prontu pa ser diskubertu.
• - Beatmaker preferido: BeatMaker preferid é mano Gi Pro(Magnum Studio) el ki snp dan mural tnb desdi inisiu, ki abrin porta pa gravason profisional,el k grava nhas primerus sons profisionalment, dipos é manu BouzinUp Beats(Valdir Aires) Big tnb xefi Trap pa mi na Praia.
• - Melhor trabalho: Midjor trabadju é difisil skodji npodi flou é nha EP "Áfrika" lansadu inda es ano(2020) ki foi tipu konkluson di kel otu EP(EkiliBriu y ElevaSon) lansad ano pasad, nxinti ma kel trabadju foi maz ben trabadjadu na jeral k un ekilibriu visivel .
• - Pior trabalho: Pior trabadju MixTape "M.I.T.I" podi ka ten kel difinison la pmd ten manus y manas ki inda ta manda feadback di kel trabadju la ki tevi grandis faixas sima "Humanidadi","Lenbransa", "Zona Cadjetinha" e otus, nu entantu n-atxa ma na jeral el podia ser midjor, ma nada midjor pa inisiu y undi ki mi pp ki fazel tud(Captason,Mix,Master,kapa...).
• - Último Trabalho: Ultimo trabadju foi single "Djarmai" ki foi tipu un autopromoson pa nha Ilha Maio, na nha linha di pensamentu, kazu alguen kre atxal ta bai na nha pajina(CSI pajina ofisial) facebook ta atxa td nhas trabadjus.
• - Próximo Trabalho: Proximu trabadju nsa trabadja nel manenti ke un novu single "LUTA TA KONTINUA" ki sa ben k video klip prod by RIBAL BARSI Prod (RB2) y tnb trabadja alguns videos klips di otu trabadju ki djan tinha lansadu EP "EkilBriu y ElevaSon"(2019)...k otus videomakers sima Wilson Xavier ki sta la Maio pa nu bai fitxa un video la DjarMai, y munti otu kuzas apartir di 2021...yaa nu sta na luta!

• - Quem ou o quê merece mais o teu respeito no movimento: Ken meresi maz respeitu pa mi na movimento é mano JRex, pa pessoa ki el é y pa tudu kel fazi y ten feitu pa movimentu, pa td kel fazen ami komu MC, y tnb td kes pajinas/blogs sima keli ki ten divulgadu RAP KRIOL pa universu un One Love pa es/nhos tudu.

• - Quem ou o quê merece menos o teu respeito no movimento:Menus respeitu talves pa kes ki ten usadu RAP di forma eradu k mensajens ki ka ten NADA ver k prinsipius y isênsia di RAP y tnb pa kes ki ka ta ruspeta kes ki fazi na pasadu pa RAP sta undi sta y kes ki ka ta ruspeta kes ki oji sa fazi pa RAP pa bai maz alen,nsa fla kes ki ta fazi Rap Pusitivu ki ka ta ruspetad pmd é Velha Skola ( ki txeu ta fla ma ka sa inova ) ou pmd é NovaSkola ( ki otus ta fla ma ben distrui isênsia di RAP ), Pasadu é inportanti MA Prisenti tnb é inportanti, NOS Tud é Inportanti,One Love.

• - Indica os 5 melhores álbuns do HHC (excepto os seus): kes 5 Midjoris ALbum Rap Kriol pa mi é UnderCadastrado(JRex), Guerra Santa(Expavi), Labirint(Victor Duarte),Golpe Di Stado1 (Helio Batalha), Wikileaks(BatchArt),apesar di ki ten munti otus ki npodia poba li maaa RAP KRIOL é riku.

• - Indica os teus 5 MC´S preferidos na Criolada: 5 Grandis MC's na Rap Kriol - JRex, Expavi, Victor Duarte, Helio Batalha(ma kel verson antigu), Justice Nubiano(Just Mc), ntinha otus tnb kin podia flaba ki ten/tevi influensia na nhas skritas y forma di odja RAP.

• - Sonho de Featuring : Nha sonhu di featuring é kualker un ki ta Ruspeta isênsia di RAP y ki ta fazi RAP k AMOR pa emansipa...nka ten alguen ou grupu spesifiku pa un futuru featuring !
  

• Palco de sonho: - Palku di sonhu konxi KabuVerdi interu atravez di mensajen kin ta leba na RAP MA Midjor Palku kin podi piza é na nha terra DjarMAI (Palku di Bitxirotxa), maz ki sonhu nka ta flou meta pmd sin trabadja y n-manti persestensia na nha luta nta txiga la, ma la é sereja riba di bolu, sima un artista fla "é la kin ta xinti sabe".

• Preferes ganhar dinheiro ou respeito no movimento? - Entri Respet y dinheru nta skodji Respet senpri na undi for y si un dia nganha dinheru k nhas trabadjus bon tnb pmd musikas ten kustus ma nka podi usa kela komu diskulpa pan bendi nhas ideais y kanta bulshit pa ganha dinheru NUNKA...nunka nka ta troka dinheru pa Respet...! dinheru sen Ruspetu pa mi ka ta bai di enkontru k kel ke nha luta y nen nha manera di SER...grandis Homis mori ma oji nu ta konxes y Ruspetas pa ses obras kes dexanu...RESPET SNP!

• Diz qualquer coisa: - Obgd pa es BLOG di fundu kurason, pa kontinua k kel luta di leba RAP KRIOL y Movimentu Hip Hop Kriol en jeral alén frontera...One Love td Rapper's/Mc's kes ki ben antis y kes ki ben dipos, nu Ruspeta kunpanheru, só si nu podi bai alén...maz un bes OBGD D'FraldaPaMundo, nu sta djuntu...EyE...LTK

NOTA D´FRALDA PA MUNDO: As nossas perguntas são sempre enviadas em portugues e os convidados tem a opção de responder em português ou em criolo. Quando respondidos em criolo, fazemos sempre questão de perguntar ao interveniente se podemos traduzir para português. No caso do CSI, ele pediu para ser em criolo(apesar de não discordar da sua tradução), já que essa valorização da sua língua é importante na visão que ele tem da própria arte de ser MC em Cabo Verde e como transmissor de valores.

E nós, mesmo sabendo que em criolo, limitamos as pessoas que possam ler e consultar o nosso perfil, respeitamos essa sua opção e acreditamos nela como o futuro.

Por isso, desta vez vai mesmo em criolo e caso não percebam , sintam-se a vontade de comentar que teremos o prazer em ajudar. E quem sabe não é o proprio CSI a fazê-lo.